Dos hermanos veterinarios viaxen cada añu a África pa desparasitar animales

Nes campañes llegaron a desparasitar a 25.000 cabeces de ganáu

Los hermanos Iglesias, veterinarios de Ribeseya ficieron el so primer viaxe en 2015 a Nyangatom y algamaron desparasitar a 1.000 animales col lema "one health" -una sola salú óptima pa les persones, los animales y el nuestru planeta-.

Contraten a nativos que los ayuden a vacunar y intenten asesoralos na llimpieza y cuidaos del animal, sobre manera, cabres y oveyes. Una familia ellí pue llegar a tener 700 cabeces de ganáu. Amás, intenten ayudar en tolo que tea nes sos manes.

David y Esteban lleven visitando’l país nueve vegaes nel mes de payares. Nyangatom ta nel sur d’Etiopía. Llende con Kenia y Sudán del Sur. Esti añu, llegaron a desparasitar a 16.000 animales.

Esta ayuda fai meyorar l’estatus de vida de los animales, meyorando la so salú y medrando la so producción de carne y lleche n’aproximadamente un 30%.

Los dos deseen siguir con esti llabor collaborativu y siguir la tradición mientres la salú dexe.

Esta iniciativa funciona gracies a la collaboración de veterinarios d’Asturies, de Madrid y los medicamentos proporcionaos pol Llaboratoriu Livisto.