Dos inversores presenten ufiertes venceyantes p'Alcoa Avilés y A Coruña

Los sindicatos tán convocaos mañana a una nueva xunta

La dirección d'Alcoa informó esti xueves a los representantes sindicales de qu'hai dos potenciales inversores que presentaron una ufierta venceyante pa les plantes d'Avilés y A Coruña, asumiendo la totalidá de la plantiya.

Según fontes del comité d'empresa d'Alcoa Avilés, unu de los inversores asítiase p'Avilés pa industrializar la fábrica dende la fundición hacia abaxo, refugando l'arranque de la electrolisis.

Esti mesmu inversor informó de que mañana va visitar la planta d'A Coruña, yá que nun refuga facer una propuesta venceyante pa les dos fábriques.

L'otru inversor centra directamente la so propuesta nes dos fábriques, arrancando les series d'electrolisis.

El Comité Européu d'Alcoa (Euroforum) caltuvo una xunta cola empresa onde s'informó d'esti procesu de venta de les plantes y, darréu, tuvo llugar otru alcuentru cola Comisión de Siguimientu del ERE.

Los representantes sindicales tán convocaos a una nueva xunta mañana, informen les mesmes fontes.

Los trabayadores de les dos alumineres van recibir en dos xuntes tolos detalles de los proyectos que fixeron estos inversores.