Duro Felguera, el cai d'Avilés y la Universidá d'Uviéu collaboren pa producir enerxía coles foles de la mar

L'Autoridá Portuaria avilesina amestará la enerxía undimotriz a la producción fotovoltaica

Duro Felguera, el cai d’Avilés y la Universidá d’Uviéu collaboren nun proyectu pilotu pa producir enerxía coles foles de la mar. Tán buscando financiación pa instalar los prototipos na costa, qu’ayudaríen al autoabastecimientu del cai avilesín.

La enerxía undimotriz o de les foles de la mar busca’l so sitiu ente lo anovable. Duro Felguera quier probar una tecnoloxía de patente finlandesa que yá algamó fondos del bancu européu d’inversiones pa los sos primeros ensayos.

Les estructures asitiaríense frente a la costa avilesina. La enerxía evacúase al cai al traviés d’un cable y pue usase p’abastecer a los barcos y evitar que sigan col motor prendíu nel so atraque, amenorgando asina les emisiones.