ENCE piensa crear en cuatro años 1.100 puestos de trabayu, 150 d’ellos directos

La factoría ta n’obres p’ampliar en 80.000 tonelaes la so capacidá

Ence piensa crear n’Asturies 1100 puestos de trabayu, 150 d’ellos directos, enantes de 2023. El director xeneral de la compañía aconceyó esta mañana col vicepresidente del Principáu pa espone-y los sos próximos proyectos.

Enagora la factoría ta n’obres p’ampliar en 80.000 tonelaes la so capacidá. En 12 meses tendrá funcionando un proyectu destináu a la fabricación de productos absorbentes pal mercáu hixénicu, y en dos años y mediu pondrá en marcha un nuevu proyectu venceyáu col sector testil.

La inversión d’Ence pa sacar alantre estos compromisos rondará los 450 millones d’euros.