Edificios singulares qu’escuende la viesca de La Zoreda

Edificaciones que formaben parte de l’antigua fábrica d’esplosivos de La Manxoya

La viesca de la Zoreda, n’Uviéu, escuenden restos de 70 edificaciones que formaben parte de l’antigua fábrica d’esplosivos de La Manxoya​, de la empresa Río Tinto.

Neses instalaciones fabricábense y almacenábense caldía cientos de kilos d’esplosivos de nitroglicerina y Goma-2 pa usalos nes mines asturianes. Destaquen les muries de contención pa les esplosiones.

La peculiaridá ye la viesca que la arrodia, que foi fecha pola empresa. Son 24 hectárees que la convierten nel pulmón más grande d’Uviéu. Plantóse p’amortiguar l’impactu d’esplosiones, y hubo unes cuantes. Na fábrica finaron por accidente de trabayu 25 persones.

Calcúlase que, nos años 50, llegaron a trabayar unes 1.200 persones na fábrica, que malapenes caltién documentación, nin planos. Siempres s’arrodió de munchu secretismu. De fechu, los edificios nin fueron catalogaos nin taben rexistraos nel Ayuntamientu d’Uviéu hasta qu’un plan de trabayu municipal en 2019 esbrozó la vieca y apaeció’l patrimoniu industrial.

Piénsase que la fábrica dexó de funcionar va unos 30 años. Agora ye una de les grandes zones d’espansión d’Uviéu y prográmense visites guiaes pa conocer esta industria que supunxo la nacencia de la población de La Manxoya, onde vivíen los trabayadores. ​