El 15% de les muyeres xitanes que participaron nel Programa Cali alcontraron trabayu

El proyectu llucha escontra la doble discriminación que sufre'l colectivu

Un total de 265 muyeres xitanes asturianes participaron nel Programa Cali dende la so creación en 2016.

Desirée Montoya reservó per teléfonu un camping en Lleón, pero cuando llegó negáron-y la entrada por ser xitana. Ye ún de los 30 casos de discriminación étnica n’Asturies, según datos del Programa Cali d’igualdá a les xitanes. Un proyectu que dende’l so inxerimientu en 2016 atendió a 265 muyeres del Principáu, 27 d’elles por violencia de xéneru. El 25% fueron derivaes a formación reglada y 38 algamaron un trabayu.

Calculen qu’a nivel nacional danse al añu unos 500 casos d’antixitanismu, pero namás se denuncia 1 de cada 10.