El 25% de los asturianos taba en riesgu d'esclusión social l'añu pasáu

La situación de probeza y esclusión de los menores ye "crítica" n'Asturies, según EAPN

La situación de los menores de 18 años n’Asturies ye "crítica", porque’l 40,1 por cientu taba en 2022 en situación de probeza y/o esclusión social nuna comunidá na que, amás, la fendidura de xéneru d’homes y muyeres duplicóse dende 2015.

Estes son dalgunes de les principales conclusiones del estudiu "El estado de la pobreza en España y Asturias", fechu pola Rede Europea de Llucha esontra la Probeza y la Esclusión Social (EAPN) y que foi presentáu esti llunes nel parllamentu asturianu.

Esti informe, qu’analiza la rellación ente les tases de probeza y esclusión social con elementos como la vivienda, el xéneru, la edá o la influencia del hábitat, señala qu’Asturies lidera la tasa de probeza del norte d’España.