El 55,7% de la militancia d’IX Asturies refuga dir a les urnes con Podemos

El Principáu, única comunidá autónoma na que la militancia espresó’l so refugu a la coalición

El 55,74% de los militantes d’IX d’Asturies refugó una coalición con Podemos pa les elecciones xenerales dientro d’una consulta d’ámbitu federal na que l’alianza cola formación morada salió alantre col 61% de los votos.

Na consulta participaron n’Asturies 1.141 militantes, de los que 636, el 55,74%, refugaron la coalición electoral; 469, el 41,10%, votaron a favor, y 36, el 3,16%, abtuviéronse.

Con ello, Asturies foi la única comunidá autónoma na que la militancia espresó’l so refugu a una coalición electoral con Podemos, como yá fizo nel casu de les autonómiques, aunque nesti casu namái se tien en cuenta’l resultáu a nivel federal.