El Casinu de Llanes, símbolu de l’arquitectura indiana asturiana

L’inmueble foi promovíu pola Sociedá Casinu de Llanes en 1910

El Casinu de Llanes ye unu de los edificios simbólicos de l’arquitectura indiana asturiana de finales del sieglu pasáu. L’inmueble construyóse en plenu corazón de la villa llanisca, onde la plaza d’abastos del sieglu XIX, por 50.444 de les antigües pesetes, unos 300 euros d’anguaño. L’inmueble foi promovíu pola Sociedá Casinu de Llanes en 1910, anque s’inauguró dos años más tarde.

El casinu ye’l puru reflexu del exotismu típicu de la nueva construcción indiana. Amuesa un gustu pol modernismu d’entamos del sieglu XX con múltiples elementos decorativos y un recargamientu visual propiu del barrocu. Dientro destaquen les puertes de colores lacaos en blanco, la escalera monumental y los espeyos venecianos. Anguaño, l’edificiu ta estrozáu poles filtraciones d’agua pela cubierta, balcones y terraces.

La Fundación de la Sociedá Casinu de Llanes creóse en 1867 cola idea de celebrar xuntes, entamar actos culturales o disponer d’un espaciu pal ociu. La institución yera una sociedá recreativa elitista de la época, formada pola burguesía y l’aristocracia llanisca, dientro de la que taben los adineraos indianos llegaos d’ultramar. Actualmente, ta formada por llaniscos y braniantes.

L’Ayuntamientu de Llanes compró l’edificiu en 1990 por 1,4 millones de pesetes, 8.400 euros d’anguaño, pero los socios reservaron n’usufructu la primer planta del casinu 50 años. Les otres dos plantes úsales l’Ayuntamientu pa facer eventos culturales.

El Casinu de Llanes tamién cuenta con ufierta gastronómica dirixida por Ricardo Sotres, unu de los cocineros asturianos con Estrella Michelín.