El Conseyu Social de la Universidá designa vicepresidente a José Ángel García, del grupu Carac

José Pedreira, nuevu secretariu del órganu que supervisa l'actividá económica universitaria

El Conseyu Social de la Universidá d’Uviéu designó esta mañana como vicepresidente a José Ángel García, tesoreru de la Cámara de Comerciu d’Uviéu y director del grupu empresarial Carac.

L’órganu que, ente otres funciones, supervisa l’actividá económica de la Universidá, recupera asina la figura de vicepresidente.

Na so primer xunta nesti nuevu mandatu, baxo la presidencia d’Ángela Santianes, tamién s’escoyó al nuevu secretariu del Conseyu Social. Ye José Pedreira, catedráticu de derechu financieru y tributariu de la Universidá d’Uviéu.