El Gobiernu de Xixón solo estudiará propuestes de Tresportes pal vial de Xove

Alejandro Calvo asegura que da prioridá a los proyectos nos que ta trabayando'l Ministeriu

El portavoz del Gobiernu y conceyal d'Urbanismu de Xixón, Jesús Martínez Salvador, recalcó esti martes que l'equipu de Gobiernu local "nun va valorar" nenguna propuesta venceyada al proyectu del vial de Xove que nun venga del Ministeriu de Tresportes y Movilidá Sostenible.

Dempués de la reunión selmanal de la xunta de Gobiernu, Martínez Salvador insistió en que “l'Ayuntamientu de Xixón caltiénse inamovible" al respective del alcuerdu tomáu nel Conseyu Social, nel sen de que les propuestes pal vial de Xove tienen que salir de Tresportes.

L'edil faló asina de la iniciativa presentada ayeri llunes pol PP de Xixón, que plantea una obra de 4.983 metros de llargura, 62 millones d'euros de costu, que nun pase per Xove y que sedría d'usu esclusivu pal tráficu d'El Musel.