El Montepíu xúnese al recursu escontra'l sobreseimientu de Villa nel casu Hulla

La entidá mutualista cree fai falta caltener l'embargu de los sos bienes y de la ganancia ilícita que pudiere algamar Fernández Villa

El Montepíu de la Minería Asturiana, qu’actúa como acusación particular nel casu Hulla qu’investiga les presuntes irregularidaes nes obres de la residencia construyida pola mutualidá en Felechosa (Ayer), xunióse al recursu presentáu pola Fiscalía Anticorrupción escontra l’autu de sobreseimientu de la causa abierta escontra l’ex-líder del SOMA-UXT, José Ángel Fernández Villa, dictáu pol Xulgáu d’Instrucción númberu 3 d’Uviéu basándose nel estrozu de la so salú mental.

Nun comunicáu, el Montepíu señaló que nun cuestiona’l criteriu de la maxistrada, que dixo que Fernández Villa presentaba un cuadru d’estrozu de la so salú mental que fai inviable la so comprensión sobre’l desendolcu del procesu coles debíes garantíes, pero qu’optó por amestase a la postura de la Fiscalía n’orde a nun proceder al alzamientu de les midíes cautelares que s’adoptaron.

Asina, el so oxetivu, según la mutualidá minera, nun ye namás garantizar les responsabilidaes civiles que se pudieren acordar na futura sentencia, sinón asegurar los futuros decomisos del productu del presuntu delitu y de la presunta ganancia ilícita de Fernández Villa.