El PP acusa al Principáu de "desentendese" de los xulgaos de Prendes Pando en Xixón

Los populares soliciten un informe sobre'l costu del remocique de los antiguos xulgaos

El diputáu asturianu del PP n’Asturies, Andrés Ruiz, acusó esti miércoles al Gobiernu del Principáu de "desentendese" del caltenimientu de los antiguos xulgaos de Prendes Pando, en Xixón, cuestión a la que dedicó "17.788 euros na última década".

Ruiz, que compareció énte los medios acompañáu de la vicealcaldesa, Ángela Pumariega, destacó qu’un informe de técnicos del Ayuntamientu de Xixón cifró nuna cantidá d’ente 20 y 25 millones d’euros el costu del remocique del edificiu.

Nesti sen, acusó al Principáu y a la Dirección Xeneral de Patrimoniu de nun invertir "nin siquiera una milésima parte" de lo que se necesita pa remocicar los antiguos xulgaos nos últimos diez años.