El PP estudia llevar a los tribunales la prohibición de toros

Los populares entamen una recoyida de firmes cola conseña 'Xixón quier llibertá'

El PP entamó esti sábadu una campaña de recoyida de firmes pa esixir el caltenimientu de les corríes de toros en Xixón, dempués de que l'alcaldesa, Ana González, decidiera nun prorrogar nin sacar a concursu la llicitación de la plaza d'El Bibio y dedicala a espectáculos culturales.

El PP convocó a los ciudadanos a sofitar les sos demandes de continuidá de la feria taurina de Begoña cola conseña 'Xixón quier llibertá'; y recoyó firmes na cai Corrida, y va volver el próximu llunes a la Plaza'l Parchís.

Pela so parte, el presidente del PP de Xixón, Pablo González, dixo esti sábadu qu'esta campaña "nun ye polos toros sinón pola llibertá", porque'l PP "nun va tolerar les decisiones totalitaries de l'alcaldesa".

La rexidora decidió suspender les corríes de toros lo que queda del so mandatu, arriendes del discutiniu que surdió en redes sociales al torease dos toros de nome 'Feminista' y 'Nigeriano' na última feria taurina.