El PP gana les elecciones europees n'Asturies col 36,79% de los votos

El PSOE recibe'l 35,18% de los sufraxos, Vox el 9,92%, Sumar el 5,97% y Podemos el 3,79%

El PP ganó les elecciones europees n’Asturies al recibir 155.750 votos, el 36,87 por cientu de los emitíos; mientres que’l PSOE foi’l segundu más votáu, como nel total del país, nel que los socialistes algamaron 20 eurodiputaos, ente ellos l’uvieín Jonás Fernández, y los populares 22, ente los que ta l’avilesina Susana Solís.

Con una participación n’Asturies del 50,90 por cientu -nes anteriores foi del 54,01 y nes de 2014 del 43,1- el PSOE algamó’l sofitu de 148.271 electores, el 35,10 por cientu del total; mientres que Vox foi la tercera, con 41.950 votos, el 9,92 por cientu, col 99,9 por cientu de los votos escrutaos.