El PP ve a Ciudadanos y Podemos desnortiaos énte un presupuestu "mediocre y inxustu"

Mallada diz que son unes cuentes continuistes qu'inxerta dalgunes propuestes estrella "poco significatives"

El PP considera que Podemos y Ciudadanos "perdieron el norte" énte unos presupuestos autonómicos "mediocres y inxustos d’un Gobiernu agotáu" que van facer que la comunidá autónoma tea peor n’avientu de 2022 qu’anguaño porque son unes cuentes continuistes qu’inxerten dalgunes propuestes estrella "poco significatives".

Dos díes enantes de que se someta a l’aprobación definitiva del parllamentu asturianu’l proyectu de Llei de Presupuestos del Principáu pa 2022, qu’ascienden a 5.354 millones d’euros, la presidenta de los populares asturianos, Teresa Mallada, atacó a los grupos parllamentarios que puen contribuyir a salvar les cuentes feches por Adrián Barbón, formaciones a les que pidió que recapaciten.

Dempués de superar la selmana pasada les enmiendes de totalidá col sofitu de la formación naranxa y la morada, el testu presupuestariu enfréntase esti xueves al debate de les enmiendes parciales y a l’aprobación definitiva del documentu.