El PSOE de Carreño critica la opacidá del alcalde sobro'l parque de bateríes previstu en Quimarán

Amelia Fernández asegura que'l parque va afectar a un camín públicu

El Partido Socialista de Carreño denuncia la opacidá de l'alcaldía en relación al proyectu d'instalación d'un parque de bateríes en Quimarán.

La vocera socialista califica d'inaceptable'l comportamientu del alcalde, d'Izquierda Xunida, y acúsalu de tapecer información tanto a los partíos de la oposición como a los vecinos afectaos.

Amelia Fernández asegura que'l parque de bateríes que quier instalase en Quimarán va afectar a un camín públicu y a núcleos colindantes y va tener implicaciones negatives pa la comunidá y el mediu rural del conceyu.

Amelia Fernández convida al alcalde a que siga l'exemplu del so homólogu de Grau y frene la instalación d'esti tipu de proyectos cerca de les viviendes.