El PSOE pauta enmiendes parciales con Ciudadanos y IX, pero nenguna con Podemos

L'aprobación definitiva de les cuentes públiques paez garantizada

El grupu socialista pautó delles enmiendes parciales a los presupuestos del Principáu pa 2022 con Ciudadanos y IX, y anque nun algamó nengún alcuerdu nesti ámbitu con Podemos, l'aprobación definitiva de les cuentes públiques paez garantizada porque la formación morada yá anunció que plantega abstenese na votación del próximu xueves.

Tres superar la selmana pasada les enmiendes de totalidá col respaldu de la formación naranxa, de la morada y d'IX, el testu presupuestariu enfréntase esti xueves al alderique de toes estes enmiendes parciales y a l'aprobación definitiva del dictame.​