El Palaciu de Deportes de Xixón prepárase pal conciertu de Bob Dylan

La estrella de Minnesota nun saldrá hasta mañana del so agospiu nel hotel Moderne

Too ta entamando a tomar forma nel recintu qu’albergará’l conciertu d’esta lleenda viva, el Palaciu de Deportes Adolfo Suárez de Xixón. L’escenariu de 25 metros d’anchu y 14 d’altu, ayudará a Dylan y a la so banda col repertoriu pa esti conciertu d’unes 20 canciones.

Nun habrá pantalles nin se podrán sacar fotos. El maestru y la so música intimista allóñense dafechu de grandes elementos tecnolóxicos.

L’hotel Moderne, un recién estrenáu establecimientu hoteleru del númberu 27 de la cai Marqués de San Esteban de Xixón agospia al cantante.

Un centenar de places que’l músicu de Minnesota, la so banda y otros miembros del so equipu reservaron va yá delles selmanes de cara al so agospiu na ciudá y que paez qu’escoyó pol so estilu 'art decó'.

Los fans que tán esperando por un autógrafu van tener qu’armase de paciencia porque hasta mañana nun hai previsión de que Bob Dylan salga del hotel.

A los sos 77 años, el norteamericanu cuenta col Premiu Nobel de lliteratura y el Premiu Princesa d’Asturies de les Artes.