El Parque Natural de Somiedu, un espaciu natural n’El Cordal Cantábricu

El conceyu alberga unu de los principales núcleos oseros

Nel centru d’El Cordal Cantábricu, con una estensión de 290 kilómetros cuadraos ta El Parque Natural de Somiedu. Un parque, reserva de la Biosfera, qu’abarca tol conceyu. Precisamente, qu’inxerte a tol conceyu ye una de les sos riqueces.

Foi en 1988 cuando se convirtió nel primer Parque Natural declaráu n’Asturies. Esto supunxo un avance pa un conceyu que, hasta entós, taba a la cola del Productu Interior Brutu d’Asturies, y que vio cómo la so renta medraba gracies al turismu del parque.

El parque natural ta dixebráu en cinco zones. Dos d’elles, la d’usu restrinxíu especial y la de reserva ecolóxica tán zarraes a los visitantes. Sicasí, hai una rede de senderos que les crucien.

Ensin dulda, el principal reclamu del parque ye l’osu pardu y ye que Somiedu alberga unu de los principales núcleos oseros d’El Cordal Cantábricu.

Somiedu ye más qu’osos, como asina lo afita la su gran biodiversidá. En bona parte porque, en namás 30 kilómetros, esti conceyu pasa de los 400 metros d’altura d’Aguasmestas, la parte más baxa del parque, hasta los 2.200 que s’algamen n’El Cornón, el picu más altu.

Ensin escaecer el so paisanaxe, aquel que vive nel conceyu y que contribuyó a que nun territoriu tan pequeñu puea vese tola biodiversidá qu’ufierta El Cordal Cantábricu.