El Partíu Socialista algama l'alcaldía de Tapia

Ana Vigón sedrá la próxima alcaldesa

El Partíu Socialista algamará, el próximu miércoles, l'alcaldía de Tapia col sofitu de Foro Asturies, que tien un únicu edil que tien la llave de gobiernu al tar empataos socialistes y populares con cinco conceyales.

Ana Vigón sedrá la próxima alcaldesa tres roblase un pactu de gobiernu pa lo que queda de llexislatura.

Guzmán Fernández, edil de Foro y actual alcalde en funciones, tomará les riendes de la Conceyalía d'Obres y Servicios.

Sedrá la primer vez na historia que'l PSOE algame l'alcaldía d'esti conceyu. L'edil de Foro, qu'hasta agora gobernaba xunto al PP, asegura que'l pactu colos populares nun pudo ser posible, ente otres coses, por apostar por un candidatu a l'alcaldía poco apropiáu.

Mientres tanto, el Partido Popular considera un fraude políticu el pautu algamáu ente Foro y PSOE pa desbancar a los populares de l'alcaldía.

El secretaru xeneral, Luis Venta, criticó la posición del partíu casquista en dellos ayuntamientos.