El Pozu, puntu d'entamu de la ruta a la braña de Valvaler

Un percorríu pel paisaxe d'Ibias y el so patrimoniu etnográficu

La ruta hasta la braña de Valvaler, n'Ibias, tien dos entamos posibles. El más antiguu, ye'l que sal de La Campa de Valvaler, onde taba d'antiguo la braña y entá güei puen vese parte de los resclavos.

Nesta ocasión, escoyemos el percorríu más llargu, saliendo dende'l puertu d'El Pozu, una ruta, creada nos años 60.

El paisaxe llama l'atención dende'l primer momentu, dexando a la espalda El Valledor allandés y empezando l'ascensión p'afayar l'otru llau.

Con vistes a la braña d'El Saladín, al antiguu Camín Real y Muniel.los, el camín avéranos hasta una zona empedrada, que conflúi col otru percorríu de la ruta, y onde ye vezu atopar al ganáu aprovechando les camperes de monte.

La caseta nunca llegó a usase como tal y quedó destinada a abellugu de pastores. Foi necesario construyir otra a más altitú.

Retomamos el camín pa encarar yá l'últimu tramu que baxa pa la collada de Campalonga, dende onde se ve al fondu la braña de Valvaler.

Munches de les construcciones fueron traíes enteres de l'antigua braña, iguada por seis cabañes. Anguaño queden tres de pie, delles rehabilitaes y otres caltienen tolos elementos como se construyeron.

Güei perdieron el so usu tradicional, pero les brañes son un elementu singular de primer orde del patrimoniu etnográficu de la contorna.

Nun ye la única braña de la redolada. Pa los más avezaos a caminar, la ruta pue estendese y pasar peles de Folgueiras y Seroiro o esviase tamién hacia'l dolmen de Seroiro.