El Principáu asegura que nes residencies del ERA cúmplese'l procedimientu "dafechu"

Los sindicatos denuncien, ente otres coses, la escasez de mazcarines y equipos de protección

Dempués de les crítiques de los sindicatos por cómo ta afectando esta crisis a les residencies de vieyos, la conseyera de Derechos Sociales asegura que nos centros del ERA cúmplese dafechu'l procedimientu dende'l puntu de vista médicu y epidemiolóxicu.

Melania Álvarez caltién nun comunicáu que paez que dalgunos nun entienden la dificultá que conlleva un estáu d'alarma y pide nun perder el tiempu montando, diz, "controversies innecesaries".

Los sindicatos denuncien, ente otres coses, la escasez de mazcarines y equipos de protección y piden qu'aquellos profesionales que trabayen en delles residencies, como fisioterapeutes y podólogos, dexen de facelo pa evitar contaxos.