El Principáu confirma nuevos casos d'enfermedá hemorráxica epizoótica n'Asturies

Marcelino Marcos repite'l so compromisu d'efectuar el pagu de les ayudes a los afectaos

Mediu Rural confirma que n'abril se rexistraron nuevos casos de la enfermedá hemorráxica epizoótica n'Asturies.

La confirmación foi la respuesta a entrugues del diputáu del PP, Luis Venta, qu'afeó al conseyeru qu'entá nun pagara les ayudes, como alcordó la Xunta Xeneral el pasáu payares.

Marcelino Marcos repitió'l so compromisu d'efectuar el pagu de les ayudes a los afectaos primero que remate'l semestre.