El Principáu crea un fondu de capital riesgu con apurrimientu públicu pa sofitar a empreses 'gacela'

Adrián Barbón visita l'axencia de Ciencia, Competitividá y Innovación Sekuens

En 2023 creáronse n’Asturies cerca de 1.300 empreses nueves, un 14% más que l’añu anterior. Según el Gobiernu del Principáu, esti datu asitia a Asturies un 4,5% penriba de la media nacional. Y esti añu, ente xineru y febreru constituyéronse otres 319 empreses.

Son datos que destacó’l presidente del Principáu, Adrián Barbón, nuna visita a l’axencia de Ciencia, Competitividá y Innovación Sekuens.

Na visita tuvo un alcuentru con 10 d’eses nueves empreses, y aprovechó pa dar anuncia de la creación d’un fondu de capital riesgu público-priváu. L’oxetivu ye sofitar la medría y afitamientu d’empreses que surden y pymes de sectores estratéxicos.