El Principáu descarta la moratoria que pide'l PP pa paralizar la instalación de parques de bateríes n'Asturies

L'Executivu asturianu asoleyará a finales d'añu'l decretu sobre parques de bateríes de litiu

El Gobiernu asturianu descarta la moratoria que plantea'l PP pa la tramitación de proyectos de parques de bateríes n'Asturies. Señala que son necesarios pa la transición ecolóxica y la enerxía anovable y que no que tán centraos ye na so regulación y buscar el meyor allugamientu posible asegura Isaac Pola, viceconseyeru d'Industria y Transición Xusta.

Contrarios a la moratoria son los empresarios. El presidente de la patronal recalca que’l so desendolcu ta n’espoxigue señala Luis Marquina, presidente de l'Asociación Española de Bateríes y Almacenamientu Enerxéticu.

El Principáu ye un llugar afayadizu pal so allugamientu, según los empresarios porque hai mayor accesu a la rede eléctrica que n'otros puntos d'España. Entienden la esmolición de los vecinos, pero afirmen, son instalaciones segures.