El Principáu formará a la Policía Local pa defender al colectivu LGTBI

El serviciu d'atención escontra la LGTBIfobia lleva contabilizaos 20 casos de violencia en 2021

El mozu agredíu en La Pola (Siero) en payares sedrá’l primeru al qu’asistirá xurídicamente’l serviciu d’atención escontra la LGTBIfobia de Xega, subvencionáu pol Gobiernu del Principáu. Ye un serviciu que tamién ufierta asistencia psicolóxica.

A los dos llégase llamando a un teléfonu de baldre. Contesta Iván Gómez, el so responsable. No que llevamos d’añu lleva contabilizaos 20 casos de violencia LGTBIfobia, los mesmos que l’añu pasáu.

Namás s’atreve a denunciar el 15% de les víctimes. Les causes, delles: dende la normalización d’esti tipu de violencia a la falta de confianza na xusticia.

Pa meyorar l’atención a les víctimas de la LGTBIfobia, el Gobiernu del Principáu formará nuna sesión prevista pal 21 d’avientu a les Policíes Locales d’Asturies.

Acciones a les que se sumen la campaña llanzada pol executivu esta selmana en redes sociales, na que se presenta a Asturies como una tierra respetuosa colos derechos del colectivu.

Teléfonu d’atención a víctimes de LGTBIfobia: 635 178 634