El Principáu intensificará los protocolos pa episodios de contaminación del aire

Roqueñí: La Llei de Calidá Ambiental desendolcaráse col "máximu consensu" con IX

El Gobiernu del Principáu revisará los protocolos pa los episodios de contaminación del aire espardiendo’l so ámbitu d’aplicación y intensificando les midíes, dio anuncia esti miércoles la conseyera de Transición Ecolóxica, Industria y Desendolcu Económicu, Nieves Roqueñí.

Na so comparecencia énte la Xunta Xeneral pa informar del so programa de gobiernu nes árees de la so competencia pa la nueva llexislatura, Roqueñí avanzó tamién que l’Executivu meyorará l’espardimientu de los datos de la rede autonómica de control de la calidá del aire.

Sicasí, la conseyera solliñó que se siguirán aplicando planes de meyora pa salvar problemes de contaminación en zones concretes, como los puestos en marcha na zona oeste de Xixón y nel ámbitu industrial y portuariu de la marxe izquierda de La Ría d’Avilés.

"Nun hai dulda de que la descarbonización de la industria, xunida a les meyores tecnolóxiques y al trabayu d’enerxía anovable, contribuirán a que respiremos un aire más llimpio y saludable, en toa Asturies y tamién nestes zones", dixo.