El Principáu nun cunta con proyectos alternativos pa la central de Soutu

La empresa Naturgy ta centrada n'esmantelar les instalaciones

El Principáu nun cunta con nengún proyectu alternativu pa los terrenos de la central térmica de Soutu, en Tinéu.

El conseyeru d'Industria, Empléu y Promoción Económica, Enrique Fernández, señaló na Xunta Xeneral, que la empresa Naturgy nun presentó nengún plan y que ta centrada n'esmantelar les instalaciones.

El procesu allargaráse tres o cuatro años y va xenerar, diz Enrique Fernández, un empléu similar al que tenía funcionando. El conseyeru amestó, sicasí, qu'al traviés de los convenios de transición xusta, identificáronse 66 proyectos pal suroccidente, y dalgún podría allugase na zona.

El voceru de Foro, Adrián Pumares, criticó qu'entá nun haya una alternativa pa la térmica.