El Principáu propón un control d'almisión en salones de xuegu asemeyáu al de casinos y bingos

L'oxetivu cimeru ye evitar l'accesu a menores

El Principáu propón afitar un control d'almisión nos salones de xuegu, los locales nos que se faen apuestes, asemeyáu al que yá hai en casinos y bingos.

La nueva normativa salió yá a información pública enantes de la so aprobación pol Conseyu de Gobiernu. Con ello permitiráse, diz la Directora d'Interior, Pilar Alonso, evitar l'accesu de menores.

El protocolu pa evitar l'accesu de los menores al xuegu arrancaba nel mes de marzu y dende entós ficiéronse una media de 40 inspecciones mensuales nos distintos locales, dende casinos a establecimientos d'hostelería con máquines recreatives.

Especial enfotu faen nos locales que permiten apuestes, que son los que más atraen a los menores. En total, ficieron más de 300 controles nos que nun s'atopó a nengún menor xugando.

Las principales infracciones tienen que ver cola falta d'actualización del rexistru de prohibíos. Media docena contaron no que va d'añu. La mayor parte, na zona central d'Asturies.

El rexistru de prohibíos debe actualizase cada selmana.