El Principáu repite'l so apueste pola creación d'una macrorrexón del Arcu Atlánticu

Asturies y les comunidaes vecines nun puen quedar na periferia frente a otros territorios

Les Cámares de Comerciu del Arcu Atlánticu busquen sumar nuevos actores, como los axentes sociales, al proyectu d'impulsu y cohesión de les rexones que componen la fachada atlántica europea pa que cunten con una mayor capacidá d'influencia y "nun queden atrás" en relación a otros territorios.

Ésta ye una de les conclusiones del III foru qu'estes entidaes, que representen a ventiún cámares d'España, Portugal y Francia, celebraron ayeri, xueves, y güei n'Uviéu y que cuntó cola participación del secretariu d'Estáu de Tresportes, José Antonio Santano, y del presidente del Principáu, Adrián Barbón.

Les cámares analizaron los pasos daos hasta'l momentu p'avanzar nel desenvolvimientu de los mecanismos de cooperación intercameral y interinstitucional que contribuyan a trabayar de forma conxunta nos retos económicos, sociales y medioambientales a los que s'enfrenten les rexones que componen l'Arcu Atlánticu.

Na xunta, les entidaes comprometiéronse a siguir trabayando en llograr la constitución de la Macrorrexón Atlántica dientro de la Xunión Europea.

Tamién repitieron la necesidá de que s'impulse'l corredor atlánticu ferroviariu, la intermodalidá y la conectividá de los Puertos del Arcu Atlánticu y el Camín de Santiago y que se desenvuelva'l corredor del hidróxenu.