El Principáu replantega'l turismu d'autocaravanes

En castellano: El Principado replantea el turismo de autocaravanas

Ta pulsando otra vuelta les demandes de los axentes implicaos

El Principáu da marcha p'atrás y replantega la so propuesta pa regular el turismu d'autocaravanes. La conseyería ta pulsando otra vuelta les demandes de los axentes implicaos. El conseyeru d'Emplegu y Turismu, Isaac Pola busca'l consensu con usuarios y ayuntamientos, que tán a la escontra de la normativa rexonal.

Failo buscando un averamientu colos axentes implicaos, sobre manera colos ayuntamientos. Munchos tienen la so propia llexislación al respective, y amuésense a la escontra de la regulación propuesta pol gobiernu rexonal. El conseyeru de Turismu retomó les consultes y espera algamar un equilibriu.

El decretu que regulará'l turismu d'autocaravanes nel Principáu, ye de la etapa del conseyeru d'enantes. Pero na so tramitación, nun superó'l dictame del conseyu consultivu que considera que nun se consultó colos ayuntamientos.

N'Asturies hai al rodiu d'una trentena d'árees aptes p'autocaravanes en tránsitu de calter públicu y de baldre, que dependen d'otros tantos conceyos. El Principáu propunxo regular esti tipu de turismu pol so impactu medioambiental, amás de por razones de seguridá, pa identificar a los sos viaxeros.

Comparte