El Principáu resalta l'esfuerzu colos mayores nes cuentes de 2023

El presupuestu de Derechos Sociales medra un 20% y llega a los 578 millones

Les cuentes de la Conseyería de Derechos Sociales van medrar el próximu añu un 20 por cientu hasta algamar los 578 millones d'euros, de los que 307 van destinase a l'atención a la dependencia, una cifra nunca algamada hasta agora, según destacó la titular d'esti departamentu, Melania Álvarez.

Los presupuestos autonómicos pa 2023, según la conseyera, van dexar tamién avanzar nel tresformamientu del modelu de cuidaos de llarga duración, consolidar el sistema de garantía de derechos y prestaciones vitales y reforzar les polítiques de vivienda.

Melania Álvarez, que presentó esta mañana en Siero les principales cifres del so departamentu pa 2023, afitó que pa llograr el primer oxetivu l'organismu autónomu ERA va ver medráu'l so presupuestu en más d'un 7 por cientu y va superar los 177 millones d'euros.