El Principáu sufre un ataque informáticu qu'afecta al sistema sanitariu

La conseyería esplica que se ta en "situación de riesgu"

La estructura informática del Gobiernu del Principáu sufrió un ciberataque, que tamién afectó al sistema sanitariu, informó la Conseyería de Presidencia. Los procesos tán viéndose ralentizaos por esti ataque que causó llargues coles nel HUCA esta mañana.

Les mesmes fontes afitaron que l'ataque diose na madrugada del sábadu y foi detectáu "d'una manera rápida", momentu dende'l que se trabaya pa evaluar el so algame, garantizar el funcionamientu de los sistemes esenciales y evitar la estensión de los daños.