El Principáu va estudiar la siniestralidá ente los riders

Sospechen que l'aumentu de los accidentes llaborales de tráficu ta rellacionáu coles condiciones de trabayu d'estos repartidores

Los accidentes llaborales de tráficu aumentaron l'añu pasáu un 10%, tanto los que se dieron de camín o de vuelta al trabayu, como los rexistraos na xornada. Tamién medró la gravedá de les mancadures. Asina que l'institutu asturianu de prevención de riesgos llaborales quier pescudar si detrás d'estos númberos tán les condiciones de trabayu d'un colectivu bien concretu: el de los riders. Asina lo esplica Miryam Hernández, directora del Institutu Asturianu de Prevención de Riesgos Llaborales.

Otru aspeutu que se va analizar de manera específica ye'l de los accidentes in itinere. El númberu de persones muertes nun añu por esti motivu pasó d'una a cinco. La medría de los accidentes llaborales de tráficu afectó más a les muyeres, con una xuba del 16%, qu'a los homes, con una xuba del 7%.