El Serviciu Públicu de Trabayu publicitará les sos ufiertes de trabayu en redes sociales bien llueu

Una nueva ferramienta dixital pa detectar les necesidaes formatives n'hostelería y el turismu

El Serviciu Públicu de Trabayu del Principáu d’Asturies estrenaráse bien llueu en redes sociales nun intentu de promocionar meyor les sos ufiertes de trabayu.

N’opinión de la directora xeneral d’esti serviciu hai un gran dinamismu económicu y munchos sectores que demanden profesionales, ente ellos la hostelería.

Precisamente güei presentóse una futura ferramienta dixital que busca detectar les necesidaes formatives de los que trabayen nos sectores de la hostelería y el turismu. La ferramienta ta entá en fase de proyectu pilotu n’Asturies.