El Sespa habilita esti vienres una xornada de vacunación frente a la COVID-19 ensin cita previa

Les hospitalizaciones aumentaron por cuenta d'una medría de casos graves en mayores de 60 años

Quien desee vacunase de la segunda dosis d'alcordanza frente a la COVID-19, va poder faelo mañana vienres ensin cita previa. El Serviciu de Salú del Principáu va habilitar puntos de vacunación en toles árees sanitaries pa que quien tea interesáu vaya recibir la vacuna ensin necesidá de pidir cita.

Les autoridaes sanitaries encamienten la segunda dosis d'alcordanza a los mayores de 60 años por cuenta de la so vulnerabilidá.

Anque Asturies ta dende la selmana pasada en nivel de riesgu baxu, les hospitalizaciones aumentaron por cuenta de qu'hai una medría de casos graves nesti grupu de población.