El Síndrome de Dravet provoca crisis epiléptiques allargaes.

Afectaos y families piden inversión pa medrar les investigaciones y ufiertar a estos neños un futuru

Nel Día Nacional de la Epilepsia, que se conmemora güei, afitámonos nunu de los tipos más complexos y raros: el síndrome de Dravet. Ye una encefalopatía epiléptica d'orixe xenéticu, y los sos síntomes empiecen sobro los seis meses d'edá. Nésta destaquense crisis epiléptiques allargaes.

Puen durar 90 minutos o inclusive más.

Otros problemes acomuñaos son: retrasu nel desarrollu, problemes odontolóxicos, trestornos nel comportamientu o fallos nel sistema nerviosu. La Fundación Síndrome de Dravet calcula qu'esta enfermedá, catalogada como "rara", afecta a una de cada 16.000 nacencies. Tamién, que n'Asturies habría unes 30 persones afectaes, de les que, 12 tán correctamente diagnosticaes.

Unu d'esos casos ye'l de Martina. Con namás siete meses, Martina sufrió la so primer crisis epiléptica asegura Laura Albertos Corcuera, so madre. Fueron d'urxencia a un centru médicu. La crisis duró 90 minutos. A los dos meses Martina tuvo otra de 45, y a los dos meses, otra más. Dempués d'investigar, llegó'l diagnósticu. Síndrome de Dravet.

Afectaos y families, piden inversión, fondos, pa medrar les investigaciones y ufiertar a estos neños un futuru señala Pedro Núñez, padre de Martina, quien carez el síndrome de Dravet. Tamién sofitu pa les terapies que necesiten, como logopedes, fisios o soporte educativu.