El TCXA declara prescritu’l delitu d’apropiación pola ocupación de La Madreña

Una sentencia escontra la qu'hai recursu de casación énte’l TC
El Tribunal Cimeru de Xusticia d’Asturies (TCXA) reconoció la prescripción del delitu d’apropiación del que taben acusaes 10 persones, ente elles el diputáu rexonal de Podemos Andrés Fernández Vilanova, y el conceyal d’Economía d’Uviéu, Rubén Rosón, pola ocupación del espaciu social de La Madreña.
El TCXA, qu’acoyó la vista oral los pasaos díes 3 y 4 d’abril, declaró la estinción de la responsabilidá criminal de los 10 acusaos, nuna sentencia escontra la qu'hai recursu de casación énte’l Tribunal Supremu.
La Fiscalía pidiere la imposición d’una multa de 4.500 euros pa Fernández Vilanova y Rosón, de 2.160 euros pa otru de los diez acusaos, y de 1.440 euros pa los demás, mientres que les defenses solicitaren la llibre absolución.