El TCXA llevanta la suspensión de sacar ocle nel oriente

Rechaza los argumentos d'Avall por nun presentar nengún informe técnicu

El TCXA llevanta la suspensión cautelar de sacar ocle del fondu marín nel oriente d'Asturies, ente'l Cabu Mayor y la Ría de Tinamayor.

El Tribunal Cimeru de Xusticia prohibiera a finales de xunu esta actividá atendiendo a una solicitú de l'Asociación de Vecinos de Llanes.

Nun nuevu autu'l tribunal rechaza los argumentos d'Avall por nun presentar nes sos alegaciones nengún informe técnicu que sofite que sacar ocle afecte a los espacios marinos.

El TCXA valora que los perxuicios pa esti ecosistema nun son nin graves nin irreparables. Pa ello sofitóse nos informes técnicos ellaboraos sobre'l sacar ocle n'otres zones d'Asturies nel últimu cuartu de sieglu.