El TCXA obliga al Conceyu de Xixón a invertir el canon del consorciu de seguros nos Bomberos

La plantiya asegura qu'esta sentencia va contribuyir a desaniciar la falta de medios y inversiones del serviciu

El TCXA conderga al Conceyu de Xixón a invertir más de 2,5 millones d'euros en 2024 nel parque de Bomberos.

La sentencia, sobre la que pue haber recursu de casación énte'l Tribunal Supremu, obliga al consistoriu a repercutir nos bomberos el millón d'euros que recibe añalmente del consorciu de seguros pola prestación de los sos servicios.

La sentencia, pionera nel país, encamienta amás a incluyir nes cuentes del próximu añu'l dineru ensin emplegar nos exercicios de 2021 y 2022. La plantiya de bomberos de Xixón asegura qu'esta sentencia va contribuyir a desaniciar la falta de medios y inversiones del serviciu.