El barriu de H.unigru ye'l barriu obreru más antiguu d'Asturies

Son 144 les viviendes nes que vivíen los obreros de la Fábrica d'Armes de Trubia​

El barriu de H.unigru, coles cases de los obreros de la Fábrica d’Armes de Trubia, ye’l barriu obreru más antiguu d’Asturies. Una zona que yá recibía esi nome enantes de llevantar los bloques de viviendes.

Les viviendes son de mediaos del sieglu XIX. El Xeneral Elorza mandó construyir el barriu poles necesidaes demográfiques del momentu. Na zona llegó a vivir la metá de la población de Trubia, 3.500 vecinos cuando’l pueblu tenía unos 7.000 censaos.

Son en total 144 viviendes, pero les más tán desagospiaes anguaño. A les cases podíen acceder los obreros de la fábrica. De mano nun pagaben nin renta, nin gastos y años más tarde, vendiéronles a les families.

L’Asociación pol Patrimoniu Históricu Industrial de Trubia solicitó a Patrimoniu que se declare’l barriu de H.unigru como Bien d’Interés Cultural pola so singularidá, por ser el más antiguu d’Asturies y pola so historia, venceyada al patrimoniu industrial d’esti pueblu uvieín.