El campu caltendrá la protesta con nueves movilizaciones d'Asaja, COAG y UPA-UCA

Los sindicatos esixen midíes como'l refuerzu de la Llei de Cadena Alimentaria

Les organizaciones agraries Asaja, COAG y UPA-UCA d’Asturies, Cantabria y Galicia sumaránse nos díes vinientes a la protesta del campu pa reclamar precios xustos, la mengua de les esixencies burocrátiques, más medios p’aplicar la Llei de Cadena Alimentaria y la salida del llobu del llistáu d’especies silvestres en réximen de protección especial.

Los tres sindicatos d’estes comunidaes autónomes, qu’hasta agora taben al marxen de les convocatories feches por otres organizaciones de menor representatividá, aconceyaron esti martes nel conceyu asturianu de Llanera p’acordar una tabla de reivindicaciones que necesiten rempuesta a "curtiu y mediu plazu", señalaron en rueda de prensa.

Pa visibilizales, n’Asturies entamaránse tractoraes el martes viniente, día 20, nes zones que llenden con Galicia y Cantabria y tamién en dalguna de les principales ciudaes de la comunidá.