El centru d'I+D d'Arcelor n'Asturies, l'únicu del grupu que da soluciones a la pandemia

El so llaboratoriu Biolab ye unu de los 13 d'España escoyíos pa facer los test PCR

El centru d'I+D d'ArcelorMittal ye l'únicu del mundu del xigante siderúrxicu que ta dando soluciones a la pandemia.

El so llaboratoriu Biolab ye unu de los 13 d'España escoyíos pa facer los tests PCR de diagnósticu del COVID-19.

Amás l'área de fabricación aditiva, d'impresión 3D como se conoz popularmente, ta trabayando con otres empreses y el Principáu pa validar respiradores y pantalles protectores.

Esta selmana'l proyectu recibió'l sofitu de la Nasa. Con esti videu que ven ArcelorMittal cuenta los proyectos asturianos escontra'l COVID pa espardelos internacionalmente.