El centru social y de día pa mayores de Corvera costará un millón d'euros

Sedrá un edificiu caltenible, con illuminación y con espacios independientes que podrán comunicase

El proyectu de conversión del antiguu consultoriou de Les Vegues, en Corvera, nun centru social y de día pa persones mayores supondrá un costu total d’un millón d’euros, que sedrá financiáu pol Gobiernu asturianu y l’alministración local.

La conseyera de Derechos Sociales y Bienestar, Melania Álvarez, presentó esti llunes, col alcalde de Corvera, Iván Fernández, la obra, a la que’l Principáu apurrirá 400.000 euros (275.000 euros en 2021 y 125.000 en 2022) y el consistoriu, 690.000 euros.

L’antiguu centru de salú, que cuenta con un espaciu útil de 1.100 metros cuadraos, convertiráse nun recursu mistu de servicios pa persones mayores.