El colexu San Xosé de Sotrondio prepárase p'acoyer a migrantes senegaleses

El programa, con capacidá pa ente 60 y 80 persones, va desenvolvese hasta avientu

El Colexu San Xosé prepárase como centru d'acoyida temporal d'inmigrantes. La previsión ye que reciba a homes mayores d'edá de Senegal, anguaño instalaos n'otros centros de Canaries. El San Xosé va tener capacidá p'acoyer ente 60 y 80. Equí van recibir agospiamientu, mantención, pautes de cultura o idioma. La so estancia va ser transitoria, a lo más d'un mes. Asina lo esplica Julio Caricol, delegáu n'Asturies de Movimientu pola Paz.

El programa va llegar hasta'l 31 d'avientu de 2023. Y ye que, paralelamente, empecipióse'l procesu de llicitación pa la rehabilitación del San Xosé como Centru d'Acoyida de Protección Internacional. La intención ye que la redacción del proyectu empiece en xineru de 2024. Va acoyer ente 120 y 150 persones y va distribuyise en dos árees: una de servicios xenerales con área social, formativa y deportiva. Y otra residencial. Como cunta l'alcalde de Samartín del Rei Aurelio, José Ramón Martín Ardines.

La execución de la obra espérase que tea acabada en primavera de 2026. El so presupuestu ye de 453.000 euros.