El colexu Cualloto camuda de nome pa emponderar la llucha escontra la ELA

Hai avances nel diagnósticu de la ELA, pero nun tien cura

El Colexu Públicu de Cualloto pasará a llamase agora José Luis Capitán. Recibe'l nome en reconocencia a la figura de 'Capi', Emblema de la llucha escontra la ELA.

José Luis Capitán, acompañáu de la so muyer y los sos tres fíos, agradeció'l xestu nun discursu, ayudáu por un adaptador de voz conectáu a un iPad. 'Capi' recordó los sos años como profesor d'esti centru educativu. Esgranó cómo conoció'l diagnósticu de la enfermedá y cómo-y fai frente.

Hai avances nel diagnósticu de la ELA, pero nun tien cura

El doctor Alberto García, neurólogu de la Unidá d'ELA del HUCA, entamó a interesase por esta enfermedá na so etapa universitaria.

Güei, décades dempués, hubo avances nel diagnósticu, tratamientu y atención de la Esclerosis Llateral Amiotrófica pero nun hai cura y namás un fármacu que retrasa’l so desendolcu.

126 pacientes reciben l'atención d'un equipu multidisciplinar nel HUCA pa meyorar la so curtia esperanza de vida, d'ente tres y cinco años de media. Reclámase más investigación, pero tamién meyor atención sociosanitaria y priorizar l'accesu d'estes families al sistema de dependencia.

La Finba, la Fundación pa la Investigación Biosanitaria d'Asturies, ta desendolcando un marcador de diagnósticu de la enfermedá porque esa ye otra falta, menos nos casos xenéticos, la minoría, dase cola dolencia descartando otres.