El comité d’empresa de Valgrande-Payares descarta un posible parón pa esti fin de selmana

Parte de los trabajayores defende un paru esti sábadu si la conseyera de Cultura nun va a la estación ivernal

Nun habrá protestes de la plantiya de la estación de Valgrande-Payares esti fin de selmana. Unes protestes que taben nel aire y qu’a la fin fueron refugaes pol comité d’empresa, al considerar qu’una fuelga nestes feches, y con ñeve, nun daría soluciones a la problemática que se vien denunciando.

Parte de los 58 trabayadores defende un paru esti sábadu si la conseyera de Cultura nun va a conocer "in situ" la situación de la estación ivernal.

No que sí coinciden toos ye en que Valgrande-Payares necesita inversiones p’asegurar la so superviviencia.