El comité d'empresa de Valgrande-Payares critica'l retrasu na apertura

Piñán: "Payares nun abrirá mientres nun haya seguridá total pa usuarios"

El comité d'empresa de trabayadores de Valgrande-Payares considera insuficientes les esplicaciones daes pola Conseyería de Cultura énte'l problema que surdió na llicitación de los trabayos de caltenimientu del telesiella principal de la estación.

Güei mesmu solicitaron una xunta col so responsable, asina como que se depuren responsabilidaes. Nun se llega al entamu de temporada que se quería y l'apertura parcial entovía ye una incógnita; porque dependerá de la revisión que lleve alantre la empresa esterna encargada.

La conseyera de Cultura, Política Llingüística y Turismu, Berta Piñán, solliñó otra vuelta esti martes que l'apertura de la estación nun será hasta que la empresa que faga la revisión de la instalación nun confirme la seguridá de la mesma pa los usuarios y trabayadores.

"La disponibilidá de la plantiya de la estación d'esquí ye total", recalcó la conseyera, qu'agradeció la disposición de los trabayadores de Valgrande-Payares pa cooperar na apertura de la instalación