El director de la Escuela de Mines confía en que l'Aneca pare'l treslláu de los estudios a Mieres

Charra sobre les oportunidaes del hidróxenu verde como fonte d'enerxía llimpio, na festividá de Santa Bárbola

La Escuela de Minas d’Uviéu acoyó la celebración de la festividá de Santa Bárbola. Un actu nel que s’entregaron los diplomes a los egresaos de la escuela, asina como los premios fin de máster y meyores trabayos de fin d’estudios.

Amás el director de Fertiberia, Jesús Alberto González, ex-alumnu de la escuela, dio una charra sobre les oportunidaes del hidróxenu verde como fonte d’enerxía llimpio, autóctono y inagotable.

La de güei ye, en principiu, la última celebración de Santa Bárbola qu’acueye l’edificiu de la Escuela de Mines, si se produz el treslláu a Mieres pal cursu qu’entra. Un treslláu que, sicasí, el director de la escuela considera que pue sufrir retrasos o inclusive nun llegar a producise.

Asegura que nun hubo una planificación nin económica nin pal treslláu del equipamientu y considera que si nun se pue garantizar un treslláu con garantíes, l’Aneca, Axencia d’Evaluación que depende del Ministeriu d’Universidaes, podría denegalu.